საბიბლიოთეკო კვლევითი ნაშრომის სტრუქტურა

საბიბლიოთეკო კვლევითი ნაშრომის სტრუქტურა

საკვლევი საკითხის მოძებნა და დაკონკრეტება

  • მოძებნეთ საკითხი, რომელიც რეალურად გაინტერესებთ
  • აღწერეთ ის გზა, რომელიც გაიარეთ ამ საკითხის ძიებისას
  • ესაუბრეთ ხელმძღვანელსა და ჯგუფელებს თქვენს მიერ არჩეული საკითხის შესახებ
  • ჩამოაყალიბეთ თქვენი საკითხი შეკითხვის სახით, რომელსაც უნდა უპასუხოთ, ან პრობლემის სახით, რომელიც უნდა გადაჭრათ

წყაროების მოძიება, არჩევა და კითხვა

დაგჭირდებათ შემდეგი ტიპის წყაროების მოძიება:

  • ბარათის კატალოგები, პერიოდულ გამოცემათა ინდექსები, ბიბლიოგრაფიები;
  • პირველადი და მეორადი წყაროები;
  • ჟურნალები, წიგნები, ენციკლოპედიები, ინტერნეტის მასალა.

ინფორმაციის დაჯგუფება და დოკუმენტირება

შემდეგი სისტემები დაგეხმარებათ იყოთ ორგანიზებულნი:

  • ბიბლიოგრაფიულ ბარათებზე წყაროების მითითების სისტემა;
  • შედარებითი მნიშვნელობის მიხედვით მასალის მითითების სისტემა;
  • ინფორმაციის ჩანიშვნის სისტემა;

ნაშრომის გეგმის შედგენა

ამაში შემდეგი შეკითხვები დაგეხმარებათ:

  • რა საკითხს განვიხილავ?
  • რატომაა ის მნიშვნელოვანი?
  • რა საფუძველმდებარე ინფორმაცია მჭირდება?
  • რა არის ჩემი თეზისი (ძირითადი პოზიცია)?
  • რა სტრუქტურული გეგმა გამოხატავს საუკეთესოდ ჩემს მიზანს?

ნაშრომის შესავალი

  • წარმოადგინეთ შესაბამისი საფუძველმდებარე თუ კონტექსტუალური მასალა
  • განსაზღვრეთ საჭირო ცნებები და ტერმინები
  • ახსენით ნაშრომის ძირითადი მიზანი
  • წარმოადგინეთ თქვენი სტრუქტურული გეგმა

ნაშრომის ძირითადი ნაწილი

  • იხელმძღვანელეთ თქვენი სტრუქტურული გეგმით
  • ააგეთ თქვენი ნაშრომი საკითხების მიხედვით (და არა მასალის მიხედვით)
  • შეაჯამეთ, გააანალიზეთ, ახსენით და შეაფასეთ წყაროები (და არა უბრალოდ მოყევით მათი შინაარსი)
  • იმოძრავეთ ზოგადიდან კერძოსაკენ და კვლავ ზოგადისაკენ

ნაშრომის დასკვნა

  • თუ თქვენი არგუმენტი კომპლექსურია, საჭირო იქნება მკითხველისათვის მისი შეჯამება
  • თუ ნაშრომის დასკვნით ნაწილამდე არ აგიხსნიათ თქვენი დასკვნების მნიშვნელობა, აუცილებლად გააკეთეთ ეს ახლა
  • იმოძრავეთ დეტალურიდან ზოგადისაკენ, რაც დააბრუნებს საკითხს შესავალში წარმოდგენილ კონტექსტში
  • შემოგვთავაზეთ, თუ მოცემული საკითხის რა მხარეები ითხოვს შემდგომ კვლევას

შესწორება და ნაშრომის საბოლოო ვერსია

  • შეამოწმეთ ნაშრომის მთლიანი სტრუქტურა: შესავლის ლოგიკური მდინარება, ძირითად ნაწილში ანალიზისა და შეფასების სიღრმე, დასკვნის ეფექტურობა
  • პარაგრაფის დონეზე შეამოწმეთ: ძირითადი მტკიცებულება, მისი მხარდამჭერი დეტალის ლოგიკურობა, პარაგრაფის თანმიმდევრულობა და ჰარმონიულობა
  • წინადადების დონეზე შეამოწმეთ: წინადადების სტრუქტურა, სიტყვების არჩევა, პუნქტუაცია
  • წყაროების დოკუმენტირება: არჩეული სისტემის თანმიმდევრული გამოყენება, ყველა მასალის მითითება, რაც არ განიხილება საყოველთაოდ აღიარებულ ჭეშმარიტებად, სქოლიოების შესაბამისი გამოყენება

[Planning a Researcg Paper. (2006). The Writing Center. University of Wisconsin-Madison. Retrieved 17 Jane, 2006, from http:/www.wiscedu/writing/Handbook/ PlaneResearchPaper.html.]








კონფერენციები

Created By Lemons