საბიბლიოთეკო კვლევითი ნაშრომი

საბიბლიოთეკო კვლევითი ნაშრომის შექმნისას, სტუდენტმა შემდეგი საფეხურები უნდა გაიაროს მითითებული თანმიმდევრობით:

  • საკვლევი პრობლემის დასმა;
  • საკვლევი თეზისის ჩამოყალიბება;
  • წყაროების მოძიება;
  • წყაროების შეფასება;
  • წყაროებიდან ინფორმაციის მონიშვნა, ამოღება;
  • ციტატებზე მუშაობა;
  • პერიფრაზირება და შეჯამება;
  • ნაშრომის პირველი ვერსის შექმნა;
  • ბიბლიოგრაფიის მითითება;
  • ნაშრომის საბოლოო ვერსიის შექმნა.

საკვლევი პრობლემის დასმისას, სტუდენტმა უნდა გაითვალისწინოს შემდეგი:

  • საკითხი აუცილებლად აქტუალური და საინტერესო უნდა იყოს, წინააღმდეგ შემთხვევაში, შეუძლებელი იქნება მკითხველის დაინტერესება და მისი დარწმუნება იმაში, რომ ღირს დროის დახარჯვა ამ ნაშრომის წაკითხვისას;
  • საკითხი აუცილებლად შემოწმებადი უნდა იყოს, ანუ სხვა მკვლევარს, სურვილის შემთხვევაში, უნდა შეეძლოს თქვენი მონაცემების გადამოწმება, წინააღმდეგ შემთხვევაში, ისინი არასანდოდ ჩაითვლება;
  • საკითხი არ უნდა იყოს ზედმეტად ფართო, წინააღმდეგ შემთხვევაში, ვერ შეძლებთ სათანადო თეზისის ჩამოყალიბებასა და წარმატებით მხარდაჭერას;
  • საკითხი არ უნდა იყოს ზედმეტად ვიწრო, წინააღმდეგ შემთხვევაში, ვერ მოიძიებთ საკმარის მასალას მის დასასაბუთებლად;
  • საკითხი არ უნდა იყოს ზედმეტად ტექნიკური ანუ მოითხოვდეს სპეციალურ ცოდნას, რომელიც არ გაგაჩნიათ;
  • საკითხი არ უნდა იყოს ზედმეტად ორდინალური, რომლის შესახებაც ყველამ იცის და ამიტომ მკითხველისთვის მოსაწყენად ჟღერს;
  • საკითხი არ უნდა იყოს ზედმეტად წინააღმდეგობრივი, რადგან ამ შემთხვევაში, გაგიჭირდებათ მისი დასაბუთება.

[Steps in Writing a Research Paper. Retrieved 22 May, 2005 fromhttp://www.esc.edu/htmlpages/writerold/ menue.htm].








კონფერენციები

Created By Lemons